لا تقطفي. .بقلم الشاعر. .صبحي ياسين

دي القصيده اللي وعدت بيها
‏( اعرف حدودك )
انا الشعب اللي ميت جوع
انا الشعب اللي دمه دموع
انا الشعب اللي دايق الذل
وانا الثوره وناويه رجوع
اعرف حدودك
ياللي خالف كل وعودك
ياللي حالف قسم ويمين
وقولت مصر للمصريين
انت غرقتنا في الطين
انت عديت كل حدودك
اعرف حدودك
ملعونه ام الابتسامه
بتاعت سيادتك وحضرتك
وتتحرق ام البياده
مش بنخاف من بدلتك
اعرف حدودك
دا انا الفقر اسمي وعنواني
وانتوا الفخامه اللي سرقاني
مصر مش عزبة ابوكم
ملعونه ام مناصبكم
و وزراتكم وكراسيكم
ياحكومه دايما ظلماني
انا الكحيان واهو راضي
وانا الشقيان واقول عادي
انا الشعب المزروع هم
وخايف علي ولادي وبلادي
اعرف حدودك
ياللي خليت مصر ضحيه
ياللي عمال تسجن فيا
ياللي كل كلامك كدب
ياللي سقينا مر وغلب
طفح الكيل وقرار القلب
اني راجع للميدان تاني
ياريس وحكومه كوياني
لا عاد ميه ولا سكر
والاجره بتزيد وبتكتر
والاسم مسؤلين حمياني
اعرف حدودك
ياللي راكب فوق كتافي
وفاكرني حمار ديك ابوك
انا الشعب اللي مجدافي
قلب مصري وعزة ملوك
اعرف حدودك
انا كلامي لاهل السياسيه
واحب اعرف صاحب الرياسه
ولو حد عامل اعمي
يبقي اكيد عديم الحساسه
اعرف حدودك
انا الشعب اللي مفروم شغل
ولا بوفر ولا بتقدر
ولا حد فيا بيفكر
بس النهايه انا مقرر
كرامتي فوق دماغ الكل
سلامو عليكو