على مدار الزمن نحلم
أتارى الجرح فى قلوبنا
سنين الضعف والقوة .
ومين هو اللى مش قادر
يحس المعنى من جوه .
نلف فى دايرة مقفولة
نودع ضحكة فى طفولة
ونتعود على الحرمان .
وقلب يميل من الفرحة
بشاير عمرنا طارحة
تعدى الصعب ويانا
أتارى الصرخة جوانا
مواعدانا فى كل مكان .
وكان ياما كان .
كان الأمل حلم الحياة
وطوق نجاة من حبنا
إيه ذنبنا
نمشى ورى أى إتجاه .
ولا حد عارف مين معانا
ومين علينا فى حلم تاه .
أحمد حنفى
