اضرب سوء الحظ برجلك
واعمل م الاحلام كرباج
وإجلد كل مكانوا في راكبك
فرضوا عليك بالكذب سياج
وارسم فوق الضلمة بنجمك
قصر ملوكى بحاشيه و تاج
واعمل حفله وهات مزيكا
وافرح وانسى همومك بيك
يا اما الحزن ده هيوديكا
سكه
مافيهاش غيرك فيك
تبقى وحيد والوحده شيطان
جوة القمقم للعفاريت
تقفل كل ماهو بيبان
تفتح قلبك للتبكيت
وتلوم روحك ليل ونهار
جواك تبقى الفرحة مزار
وتسبب كل ما فيك للنار
غلك جاز واللوم كبريت
#عادل_عوف
#سوء_الحظ
