لا تقطفي. .بقلم الشاعر. .صبحي ياسين

مشاعرك باب مقفول على حبه احاسيس مخنوقه
بتحاول تفتح فيه يعند
وتحاول تقفل فيه يرفض
و يسيبك للوهم لوحدك...
تسأل نفسك
كان خير ..
ولا بناقص احسن
ملعون الباب

ف تتام وبتحلم باللحظه
و تشد الباب الفاضل
على اخر حلم اتبعتر
وتدندن غنوه
لواحد حلمه بيتكسر
و تفوق من حلمك
على والدك
بشد الباب بشويييييش
ويقولك تصبح على خير
حاول تهدا ..
ماعلش كابوس يا حبيبى ونام
ربنا مايعيده عليك تانى ....
ويشد الباب من تانى عليك ..
و شريط البرواز الاسود
يلفت تظرك ...
ويفكر قلبك ان البيت
عواميده انهارت
من اول شده باب من ابوك
كان حلم ابوك وما كملتوش
..
كان حلو ابوك بس مادوقتوش
مش كان م الاول لو تعرف
ماتشدش باب مقفول
وتسيبه لوحده
وماتفكرش
طيب ماعلش
ماعلش ..
ماعلش كابوس يا حبيبى ونام ...

#حسن_بعيله