عادل عوف
#أحلف_لك_إن
القلب في عشقه بيتململ
وعيشها هيام في هيام في هيام
والعمر بيجري وبيتسرسب
والفاضل بس يدوب أيام
القلب حلنجي وضيعني
بين عشق وشوق
ويبعتر روحي ويجمعني
ويحدفني لفوق
انزل على شوك
واسمع روحي والقلب حزين
إزاي في البعد أعيش بعدك
مافيهاش بعدين
أنا عايش بيك لحظه بلحظه وبضمك ضم
مش عايز افوتك ولا لحظه وكأنك أم
مين يقدر يبعد عن أمه وحنانها إن كان
العمر الفايت كان صفحة في ملجأ أيتام
القلب بيبعت سلاماته مع نسمة صيف
فبلاش تتعامل مع قلبي عن انك ضيف
اتصرف على انك مالكه وحيازته معاك
#أحلف_لك_إن مافيش بعدك وإن أنا بهواك
،
#عادل_عوف
