يالا يا بويا
عامية
سلوى على محمد
يالا يا بُويا نِطلعْ رِحلة ْ
نِفرحْ حَبةْ مِن ْجِوانا
نِنْسى فِى وَقت الرِحلةْ تَعبنا
نِرمى هِمومنا
خَلفْ ضهورنا
ويا شَقانا.
نِضْحَك نِلعب ْ
نِجرى شويةْ
إِيدي فى إيد أحمد أخويا
مُمكنْ أَلبِس لِبسْ مِنْ أُختي
أو حتى من لِبسْ أَخويا
ممكن حتى لِبسْ قَديمْ
أو حتى مَنديل أَبو أُويَةْ.
أَحسنْ حَاجة نِلم ْقُلوبنا
نِصرخْ م الفرحة لَو جُعنا
أصلاً صوت الفرحةْ يِشبعْ
وِ يخلينا نُقعُدْ وِنْرَبعْ.
وِسطْ اللعب وراحةْ البال
ممكن لقمة عِيش هَ تشبعْ.
يالا يا بابا
يالا نْغَنى وِغَني مِعانا
خَلى الحِلمْ يعيش جِوانا
نِركبْ فُوقْ كَارو وِتْزُقْ
واحنا نِصقَفْ مِن فرحتنا
تِسمع صوت قلبنا بِيدقْ.
يالا يا بويا
مش عاوزين اليوم ده يعدى
نِفسي كمان يُقَفْ وِيهَدي
أصل ساعات الفرحْ قليلة ْ
لما الفرحةْ تِلمْ العِيلةْ
يالا يا بويا
بقلمى
سلوى على محمد
4/9/2016
