:::::قانون العقوبات قصيده ::::٦::::
اهداء الى طلبة كليات الحقوق المصريه
:::::::::::::الباب الثالث:::::::::::::
::::::: تكملة القسم الاول:::::::::
ف الماده تمتاشر يا عصام
هنركز ف عقوبة الحبس
يوم لتلات سنين وكلام
لو تلات اشهر يا عبس
هنغير من حبس لشغل
والماده تسعتاشر توضيح
للحبس نوعين يا فل
تعريف عادي يدوب تلميح
بسيط والسيط نايم بيشخر
او حبس ياعم وقوم للشغل
والماده عشرين هنفكر
الزامي ع القاضي وسهل
العقوبه طبعا عارفين
سنه و أزيد مع الشغل
وف الماده واحد وعشرين
يا محكوم هنشيل الغيل
والحبس من يوم الحكم
وهنقص وعشان تطمن
الاحتياطي اوعى الظلم
ومن حقك تحسب وتخمن
ف الماده اتنين وعشرين
هنركز وبسرعه نقول
وانا عارف طبعا فاهمين
الغرامه تدفع علطول
الحد الادنى جنيه واحد
ولخمسميه وخد بالك
هنراعي الغرمات تتاخد
لكل جريمه وشوف حالك
ف الماده اربعه وعشرين
خصم وخد حقك مظبوط
حاجه حلوه وفله وزين
الحكم غرامه مبسوط
طاب لوحبسك احتياطي
نخصم خمسه جنيه لليوم
طاب لوازيد يا عم راضي
م حكم الحبس ايه لزوم
ندخل ونخصم ف غرامه
وتروح بيتك وتزغرت
وتغني سلامه يا سلامه
اياك ترجع تاني تلخبط
بقلم مصطفي احمد
الى اللقاء مع القسم الثاني من الباب الثالث
