قلبي بيحبك ولكن
قلبي بيحبك ولكن
شوقه عنك بيداريه
ياللي فيكي القلب ساكن
قلبي تاه أنا مش لاقيه
غبت ادور ف الأماكن
وأسأل الأيام عليه
قلبي تاه علشان عيونك
لهفتك لحظات جنونك
والنهار اللي بيضوي
من جبينك
وانتظار الفجر يطلع
تنفجر لحظات سكونك
يصرخ القلب اللي واخد
ع السكات
تحتفل بيكي الساعات
واللي جي من حياتنا
يبقي أجمل م اللي فات
والدموع اللي ف عيوننا
يتخلق منها الكلام
والآلام اللي ف صدورنا
تبقي لحظات ابتسام
يحضنك قلبي اللي شاري
من سنين
ياللي فيكي النبض ساري
وكل أنات الحنين
ياللي فيكي القلب ساكن
قلبي تاه أنا مش لاقيه
قلبي بيحبك ولكن
شوقه عنك بيداريه
.