لا تقطفي. .بقلم الشاعر. .صبحي ياسين

عظيمه يا مصر
======== عونى هشام
يا مصر قوليلى مين ادك
ومين يقدر هنا يهينك
دى كل الدنيا مش ادك
وبتكيدى ف عدوينك

نيلك يجرى من شهدك
طرح اشجار بتزينك
دى شمسك نورها من خدك
وقمرك ضيه من عينك

يا مصر قوليلى مين ادك
ومين هما اللى حاجبينك
ولادك هما سور صدك
وحطاهم بحاجبينك

يا مصر قوليلى انا عبدك
بقرأنى وانجيلك
ورب العزه قال عنك
امان والشر ما يهينك

عظيمه يا مصر
عظيمه حتى وقت العُسر
كل الناس تقول فينك
اصيله ف كل وقت وعصر
وحاميه حدود محبينك

اصيله حتى وقت الضيق
ايمانك رايه مع دينك
وايدك ضمه كل صديق
بعزه اشوفها ف جبينك

زرعك كله فيه الخير
وخيرك جاى من طينك
شويه هدوء مع التفكير
وصبر ....المولى هايعينك

اراده بس ويا ضمير
ونادى الكل سامعينك
بحيرى صعيدى غنى وفقير
هيبقوا تروس طواحينك

ساعتها الحرف له معنى
واعيد من تانى دواوينك
واعلق زينه والمغنى
واطبع بوسه ف جبينك
تعيشى يا مصر
===========
#عونى_هشام