((( حطم بروازك )))
------------------
ارتاح وحطم بروازك
ونادي معايا بالحريه
لا تخاف عتاب ناس لوامه
ولا حتي م الست هنيه
عملنا حساب للناس ياما
مش فارقه معاهم مراضيه
لو شلت واحد من حادثه
وجريت بيه ع المداوية
وقلت أكسب فيه صواب
يقعد لأولادي بعديه
بيتعالج ويروح بيته
وانت بتلبس في قضيه
تسرخ تقول مين يشهد لي ؟
فين اللي كانوا حوليه ؟
كان يعني احسن اسيبه يموت ؟؟
الله يسامحك ياوالدي
أدي جزاء التربيه
يامين يحطم لي الأسوار
وأشوف تاني النور بعنيه
لا ليا دعوة بالقاتل
ولا بجثه مرميه
محلاها عيشة الامبالاة
مع بساط الحريه
⭐️⭐️⭐️⭐️⭐️
شاعرة البراري
سلوي نصر الدين
