((( زرع السنين )))
------------------
تعبت من ألم السنين آه
جري عمري وجريت وراه
كنت فاكر السنين طويلة
حلمت كتير أحلام جميلة
مشيت ليالي وأيام كتيرة
شقيت.. تعبت.. زرعت
ارتحت.. فرحت ...حصدت
شفت ابني بيتولد وفرحت بيه
وشفته خلص جامعته وشاركت فرحته
وفي ليلة حلوه عملنا فرحه وزفتة
وملو الدنيا جه حفيدي بضحكته
يا فرح قلبي بدخلته وندهته
تعبت اه وتعبي يدوب من ضحكته
زرع السنين حصاده هو وخطوته
يارب شكري لفضلك وعطيتك
يا صاحب الفضل بالرضا أختم دنيتي
رضيت .صبرت .فرحت . وبالسجود ختمت
جاهز يارب..مشتاق بروحي لمقابلتك
لأنك حبيبي مشتاق لعفوك وجنتك
....يارب طمعان في عفوك وجنتك...
بقلم الاستاذ محمد الشحات
