نفسي احكيلك عني
واقولك ايه شاغالني
واقولك افتح قلبك طمني
وفي حضنك سكني
عارف ساعتها
هاضحك من قلبي واغني
لاني عشقتك من صغر سني
وكمان بحبك اكمني
مش لاقي غير قلبك يطمني
هات ايدك تعالى
عدي بيا واعدي بيك
غمض عينيا وغمض عينيك
احلم معايا احلم انا بيك
تسكن هوايا واتنفس انا ليك
في يوم اشوفك صدفه
او ميعاد يجمعنا سوى
اكون معاكي وانتي جوايا
نتمشى سوى نغني اغنيه لينا
نبدل فيها الاحزان من ليالينا
اهمسلك وتنادي عليا باقلبك
واسمع نبضك بيقولي تعالى
هات ايدك تعالى
امسح همي وازرع وردك على غصني
وهناك بعيد اكتبلك
حرف مني حرف منك
واجمع الحرفين سوى
وجمعهم يكون لينا دوى
ولا حد فينا انجرح
ولا حد اتكوى
اشورلك على نجمه في السما
تقولي انا هناك جنبها
قمر زماني ودنيتك عندها
اشاور عليك
وقولك غمض انت عينيك
واسالك شايف ايه
تقولي شايفك بقلبي حاسك
ورمشي حضنك
ومنايا انام على خدك
يا حبيبي مين في الدنيا ادك
ملكت بيك الدنيا وحلمت بيك في السما
اجري بيك واخدك في بستاني
ومن زهره لزهره اتنسم عطرك
وقولك بانسى معاك احزاني
وكتير حلمت بيك في مكاني
ساكن جمالك اغصاني
يالي عيونك واحشاني
ولدنيتك وخداني
هناك معاك بنسى احزاني
واتوه منك متناسي عنواني
خليني في دنيا عينيك
لاعايز ارحل عنك ولا عني تغيب عينيك