هم الدنيا
يادنيا إتلمي شوية
وإتقي ربنا فيا
ليه تملي مطلعه عيني
على طول كدا حطة عليا
يادنيا إختشي على دمك
هماني ولا بيهمك
مادوقتش ولا يوم عسلك
مادوقتش أنا غير سمك
قوليلي عملت انا ايه
خنقاني قوي كدا ليه
ولا يادنيا عذابي
ندر ولازم توفيه
يادنيتي فكك مني
لايميها وابعدي عني
أنا شبت في عز شبابي
ماعيشتش فيكي يوم سني
سيبيني يادنيا اعيش
يوم ماتمرمطنيش
إبعدي عني ظوافرك
وشي إتملا خرابيش
مش طالب جاه ولا مال
طلباتي على قد الحال
تبطلي تلطيش فيا
عمال على بطال
في ختامي يادنيا بقولك
أزف الوقت إللي فاضللك
بكرة تجيلك الأخرة
تدهوس فيكي وتذلك