تتشل الأيادي اللي قتلت ولادي
حرمتني من حبة عيني
وربنا ينتقم منكم ياكفره
عشان اشفه فيكم غليلي
ضيعتوا فرحت ايامي وسنيني
حسبي الله ونعم الوكيل
كان نفسي افرح به واشيل ليه
لكن جتيتوا انتم وبدون ضمير
اخدتوه مني وحرمتوني من كل شئ
كان بيجمع بيني وبينه
ليه بتهون عليكم
تحرقوا نار قلوبنا علي اولادنا
فلذات اكبادنا بعد ما كانو هما
ماليين الدنيا علينا فجاة
ومن غير إنذار
تولعوها نار في كل بيت
وكل دار وبدل
ما افرح بولادوه الصغار
اشفوا في الاكفان
ضيعتوا كل الاحلام ليا وليه
بس انا وثقه بيه انه بيدعيلي
في الجنة ان ربنا يصبرني علي
فراقه ويبرد قلبي عليه
ويصبر كل ام علي ما فقدته
من شهداء الواجب والوطن والموت
لكم حتما منتظر لانه كل شئ يغتفر
الا ان تمد ايد الغدر ليهم
برصاصه خرصه في قلوبهم
ربنا ينتقم منكم يا كفره والله
اصبر لو هذا حكم القدر لكن
ياخسارة ده حكم البشر ان
الغدر يجي من اي حد
غير من اقرب الناس عشان
حفنه من الفلوس علي كل
شئ ببلادنا وعلي دم اخوتنا
بندوس لكن والله وبجد
انا مش عارفه اوصف احساسي
ان الغدر يجي من اهلي وناسي
اه و اه من زمان اسي
وازاي اصبر عليكم اكثر من ذلك
يارب ربنا يصبكم بالمهالك
زي ماضيعتوا امان الحياة ليا
لا مش ممكن يوم انسي
كل كلمة حلوة يانور العين
حبك في القلب وفي الوجدان
ومش ممكن يوم انساك
وطول عمري هفتكر
ان اللي قتلك خاين وجبان
وعمره ما كان انسان روح
ياقلبي الجنة مسنياك
بقلم زينب امين قنديل