ناس و ناس
قابلت كتير فى حياتي من الناس
لقيت الناس فيها ناس مش ناس
ناس فى الدنيا ومش دريانة
وناس دريانة ومش بإديها
وناس فهمانة وناس جهلانة
وناس فهمها كده على آدييها
وناس حضرانا وناس هربانة
وناس موجودة بس انت لاقيها
وناس ذهدانة وناس طمعانة
وناس بتقول ربك يساويها
وناس صبرانة وناس حرنانة
وناس فسدانة وناس تجاريها
وناس منعانا نطير فى سمانا
وناس بتخلي عاليها واطيها
ياناس مش ناس تسرقوا فى الناس
وتقولوا نصيبنا وحقنا فيها
مال الناس دايما كناس
للثروة اللى انتوا بتجمعوا فيها
ياناس مش ناس إرحموا فى الناس
الناس بقى فيها اللى مكفيها
ياللي ماترحم ضعف الناس
مانتش خالد بكره تموت
حقيقه وثابتة ومش بإدينا
قطر الموت فى ميعاده بيفوت
بقلم طارق السيد
