((( مصر الكنانة )))
بقلم الشاعرة شيرين قزامل
........................................................
بعد السلام هقول بيان يخص بلدي
وكل الحضور يسمع ويفهم
معنى الكلام .......
مصر الكنانة رمز السلام منذ الخليقة
ادخلوها آمنين لو ضاق عليكم
الكون بأسره من اليسار إلى اليمين
حماها رب العالمين وتكريمه ليها
كان ببعض المرسلين
ودليلنا هو الصديق يوسف
مع أبيه وأخوة له متجمعين
اصل الحكاية
مصر غالية طول عمرها
عظيمة حره بشعبها
بنى أساسها فرعون عظيم
حارب كتير من أجلها
بنى حضارة الكل يحكي عنها
طول العصور تشهد تقول
مصر مفيش لا قبلها ولا بعدها
وفي المعابد البردي كان
وثيقة تفوق مجدها
هنا أهرامات وهنا مسلات
عجزت الشعوب تعمل في يوم زيها
وعشان بلادي بلد عروبة
مينا وحد قطرها
مفيش حدود ولا فواصل
والنيل كمان بجريانه فيها
ربط شرقها بغربها
وعشان بلادي بلد عظيمة
الكل طمعوا في أرضها
هكسوس قبائل زي الجراد
عاثوا فيها الفساد
بس مصر ولادة دايما
وفارسها كان من صلبها
احمس بسيفه كسر شوكتهم
وطرد جيوشهم ورفع
لمصر رأسها
كتب التاريخ فيها الكتير
عن بلدي وشعبها
شعب الكرامة شعب الاصالة
شعب يحمل اسمها
تفوت سنين بعد السنين
ويجي جيل من بعد جيل
يرضع الوطنية من نهدها
يقول دي بلدي وهي عرضي
انا فداها ويجري دمي على أرضها
يا اللي تجهل تاريخ بلادي
اسمع مني عنها
في يوم غريب ظهرت فرنسا
في عرض البحار وقالت اخدها
دي بلد ضعيفة مين فيها
يحمي برها او بحرها
بس المفاجأة كانت رشيد
على الشط وقفت تدافع بعزمها
والانجليز هم كمان طمعوا
في بلدي وقالوا نأخد
حته منها
وكأن مصر يتيمة مات
كل حد يخصها
بس الكلاب نسيوا ان الطفل
الصغير شاف كتير من زلها
ومحفور في عقلة
كل حاجه حصلت لها
وحلف يمين في يوم هيكبر
ومسيره ياخد حقها
وصوته كان أعظم سلاح
في كل البلاد يطلب
بحقه وحقها
ما يخاف رصاص يدخل
في صدره بسلاح غدار
فات يوم على أرضها
كل العصور تشهد تقول
مصر باقية بشعبها
مصر الكنانة درة في جبين الامم
مقصودة دايما من شعوب حقيرة
ملهاش جزور ولا أصول
مهما مر من الزمن
شوف الكلام
لما فشل سلاحهم الحديد
يقضي على مصر ومجدها
قالوا نغير خطتنا عنها
نجرب نلعب بعقلها
نشتت شبابها في امور غبية
وفي نفوسهم نقضي
على الوطنية من جدرها
بس الكلاب ميعرفوش
ان حب مصر تحديد هوية
كل اللي عاشوا على أرضها
الأقباط والمسلمين
ايد في ايد متوحدين
حب الوطن ده شيء عظيم
بيجري في دمانا جوه الوريد
لاخر يوم في عمرنا ...........
بقلم
شيرين قزامل (( مصر ))