ديدان الأرض
من بين شقوق الأرض
طلعت الديدان
تهتك ستار العرض
وتدنس الأبدان
هاجمين زي العقارب
بالأذناب تحارب
لايشين كل القرايب
سامين كل الحبايب
عايزين منا إيه
ياأدنأ الديدان
مثلتوا كتير علينا
خلاص بان إللي بان
يا كل القرايب
يا أغلى الحبايب
ترياق السموم
صلابة العيدان
ياكل الديدان
طرطأوا الودان
وبلغوا إللي غايب
الآتي في البيان
خلاص آن الآوان
دي نهاية الزمان
بكرة الشمس تطلع
من الغرب في يوم وعيد
تندك الجبال
ويشيب الوليد
يادود آهو من دا بكرة
وبكرة مش بعيد
الشهود هتشهد
والنظر حديد
هتجاوبوا ع السؤال
والسؤال صعيب
يادود .. التوبة لسة
ليكوا فيها حصة
توب قوام يادود
قبل اليوم الموعود
باب التوبة مفتوح
عمره ماكان مردود
بقلم طارق السيد