سوّق روحك قبل البيع
واعمل للدفوهات مونتاج
جدد ديما في البواتيع
وإن ماعرفتش / بالمكياج
طلع من روحك أفنان
واعمل فيها انك فنان
وإن ثقافتك كام فدان
كلها شرق زمام الروح
واكسر عين العند وسلم
وارسم انك فرد مجاز
وأنك سميع وبتتعلم
وانك راكب في البرواز
صورة انيقة لحد رزين
واثق جدا صاحب دين
وأنك أصل البنى أدمين
أحدث صيحة لاحلى طراز
شوف كام واحد صدق غشك
لكن فيه كام واحد فاق
تغضب تاني وتقلب وشك
وتهددنا تقول يافراق
فارق فارق وماهوش فارق
ياللي وجودك ظرف و طارق
اللي يعيش كداب مش صادق
عمره ماكان أفضل ترياق