ياللي ساكنه في العلا
أنا في حبك مبتلى
يا ام المآذن مشرعة
يا ام الكنايس متكحلة
درويشك انا والنبي
ساند ببانك بالغناوي
داير ف حارتك بالحكاوي
لميت من الخلق الشكاوي
ورميتهم ف نيلك والنبي
ورجعت ألف ف الحارات
وشديت عروقي لجلك ي غاليه
ياضاربين العود
ياقوالين الشعر
غنايا مالوا حدود
اسمعوا وصلوا ع النبي
لسه الوتر مشدود
بقول بعلو الصوت
ياشاربه من نيل السما
أصل الخلايق من هنا
يا أول البدايات
وربيبه الأنبيا
كل اللي فاتك كان هنا
كل اللي جيلك مننا
حبه دموع علي الوتر
بكره هتنشف والنبي