بحبك والله يا ام الدنيا يامصر
………………………………………………
محروسه طول عمرك
ولا ليكى مثيل فى الكون
مهما الديابه كلوكى
ولا الكلاب نهشوكى
ولا ولداك خانوكى
هيبقى برك عمار مهما يكون
لانك انت قوية وام للمكلوم
ولا يوم صراخك طلع
رغم الألم مكتوم
بتتحملى اللى كان
من قهر ناسك زمان
وهتفضلى للعرب
رمانة الميزان
ورغم كل الآفاعى
هتفضلى بآمان
لإنك ذكرك معطر
مذكوره فى القرآن
وجندك اللى حماهم (بكسر الحاء)
مايهزه اى جبان
واقفين على بابك
حراس من الشيطان
عمار يامصر الكرامه
ديما يامصر ف آمان
خالد سعد
7\11\2016