★ وبعدين رايحين على فين★
يادنيا كفايه
تعبنا إنهد الحيل
اليوم بجنيه
وبكره بعشرين ليه
بطون جعانه
وخاويه ياغلبانين
وبطون مليانه
من قوتى
وقوت الغير
نقول STOP
دا كفايه
ياناس ملاعين
الجوع فتاك
والبرد علينا شديد
نمد الإيد تقولو
علينا متسولين
نسرق ونخرج
من رحمة
رب العالمين
يادنيا كفايه
تعبنا إنهد الحيل
نلوم الدنيا
ولا
نقف طوابير
ضد الظلم
والطغيان
شمال
ويمين
ونصرخ صرخة
المظلوم
ياشعب صوته
صار مكتوم
خلاص والله فاض بينا
من الملاليم
نعيش ونقول مستوره
وإحنا بينا
فاض الكيل
حرام والله ياساده
نكون عبيد
وخير بلدنا
مش لينا
بقى للغير
فاضل يخدو الننى
ونعيش عميان
عشان السلب والنهب
ما تشوفه العين
نسكت ولا
كلنا نفك القيد
ونملى بطونا
وندفى
كما البنى آدمين
يا نسكن سوا
يابشر فى التوابيت
