انا عاشق
يا اغلي كنز في الدنيا
يا فرحه عاشقها بالثانيه
يا تاج ماسي
انا شايلك
علي راسي
فا سيبك من كلام الناس
وأفلامها واغانيها
و مواويل دايره تحكيها
انا عمري ما كنت سياسي
ولا افهم حاجه ف السياسه
لكن حبك ده فرض اساسي
يا ام المشاعر حساسه
يا وارثه الطهر من مريم
انا تلميذ ولسه بتعلم
اصول الحب علي ايدك
يا راسمه الفرح علي جيدك
وضحكه يثور عشانها شعوب
انا من عينكي بتوه وبدوب
و هعلن ثورتي قريب
يا حضن مداوي ومطيب
يا ست الحسن
يا سارقه الحزن
من عيني
يا فرحة عمري وسنيني
انا جثة خفيفة الوزن
لكن قلبي عشانك بس
يساعي الدنيا دي بحالها
ويوزن فوقها مليون طن
غرام وحنين
انا فارس بدون سكاكين
ومن غير سيف
بدون اعلام
مبدأه تزيف
انا واحد من المساكين
عملت الثورة
من شعري والحاني
راموني غدر في قضيه
وقالوا حبيبك الجاني
عشان ثاير ومتظاهر
ورافع صوره ومطالبي
اموت بين حضنك الطاهر
وفجأه رميتي ليا الطوق
مع انه كان طوق الموت
لكن راضي أموت مشنوق
بحبل غرامك السري
يا سقياني الفرح والشوق
و شاربه الجرح من مري
انا الواد اللي احلامي
هدر و فاشوش
وانا اللي حاربت ايامي
بدون خربوش
وانا اللي عارضت حكامي
و وزرا كروش
انا فارس مدن وجيوش
بسلم ليكي واستسلم
يا ساكنه قلبي و وريدي
انا جايلك رافع ايدي
و سايب عيني حراسك
و بوسه بهمس علي راسك
انا اهلك انا ناسك
انا العاشق عنيكي السود
