انا المصرى
اللى ياما بيشوف
انا المعصور عصر
وبرغم كل الظروف
بهتف تعيشى يا مصر
ولا عمرى كنت خروف
ولا من غوازى القصر
انا المواطن العادى
يا حكومه مس من هنا
وانا اللى بفدى بلادى
بدمى مش بالغنا
يا مسئولين كسر
وكبار على الفاضى
يا ماخرين مصر
يا بتوع ماماى ودادى
باسم السياسه والدين
نفسى اشوف نصر
مصر بقت مصرين
وفى عهدكم عسر
انا المواطن المصرى
اللى مالوش حصر
انا اللى شايل الطين
على راسى
فى كل عصر
وفى العين الشمال فلسطين
وفى العين اليمين مصر
بقلمى -- احمد ابوروفانا