لا تقطفي. .بقلم الشاعر. .صبحي ياسين

إيه الغريب...

#########

كنت عارفه إنك هتبعد ..

بس جايز مش أكيد...

وإن قلبي اللي تاعبني...

أصله من يومه عنيد...

كنت كتير معاه بعافر..

وامشي عكس كل ريح...

كنت بيك بمسك واجازف..

رغم إنك مش صريح...

بس عارف إيه الجديد..

إن قلبي مش في إيدي..

أيوه مش عايش سعيد...

أصل أنا وهو في ساحة..

كل قضبانها حديد...

والغريب إني لسه..

عايزة اشوفك وارمي نفسي..

بين ضلوعك من جديد...

ما انت ابويا وانت أمي..

وانت ليا كل ناسي..

يبقي عادي إني أقاسي..

لو بعدت لحظة عني...

أو فكرت إنك تغيب...

إيه الغريب.

علا عمار