الدم واحد كلنا مستهدفين
الارهاب ملوش وطن
ولا إنتماء لأي دين
الارهاب ضد الوطن
ضد المسيحي والمسلمين
اوعاك تصدق انه افعال مؤمنين
كل الكتب ارسلها رب العالمين
مفيش كتاب امرنا نبقي مجرمين
اوعاك تضل ورا كلام الشياطين
وتقوم بغل تصرخ وتنزل ميادين
بلاش تكون انت وسيلة للحاقدين
ايالك تصدق ان للارهاب ده دين
عمرة مافرق بين نصاري ومسلمين
ولامرة ميز دم جرجس من ياسين
لانه اعمي ولا يهمه ابداً انت مين
همه يفرق بين قلوب المصريين
يحرق يدمر كل ملة وكل دين
يزرع الم يحصد قلوب ناس حاقدين
واعلام يهلل وناس تشوه كل دين
واحنا نصدق نغضب وننزل كارهين
ياولاد بلدنا دي ناس ديابة مغيبين
هدفهم اسود ومخططين متربصين
عاوزينها تولع علشان يكونوا مبسوطين
اياك تصدق ان ليهم اي مله واي دين
لاهم نصاري ولا يهود ولا مسلمين
ارهابهم اعمي عمرة ماهمه ابدا انت مين
خليك حذر اوعي تطاوع ابدا كلام الشياطين
امسح دموعك ودموع اخوك مينا وياسين
احمي البلد من شرهم اقف همام قوي متين
بقلب واحد وهم واحد احنا نصاري ومسلمين
ضد كل الحاقدين ضد فعل الغاشمين
دمانا واحدة بالوحدة احنا منصورين
بلدنا واحدة والحق راجع رغم كيد الكائدين
وتحت راية مصر الابية احنا دايما موجودين
نبني نعمر نحلم سوي نقف نداوي المجروحين
وبكرا بينا هيبقي افضل باذن رب العالمين
كلماتي المتواضعة عاطف خير 
💐 
💐