لا تقطفي. .بقلم الشاعر. .صبحي ياسين

بحبك يا ابني أفهمني..

 #############

غلبت احكي كتير وأقول...

منك إيه بيألمني...

وإيه ممكن يموتني...

وإيه ممكن يسكتني...

فبعد دا كله تسألني...

إيه بس اللي زعلني...

بحبك يا ابني أفهمني...

بلاش لمجرد السيرة..

بموت م الهجر والغيرة...

ولو تيجي يدوب فكرة..

هتتفاجأ بقيت ذكري...

وتبكي عليا وبحرقة...

وتقول بحب مجنونة...

علي جناني بقيت واخد...

طريقنا ف عشقنا واحد..

ولو مرة يجي فبالك..

تقول أمشي واسيبهالك..

 تموت مقتول يا تقتلني!!

بتدلل واقول ماشي...

حبيب روحي ميجراشي...

ويعمل كل ما بدالو...

أنا بس اللي فهمالو..

لكن تعند وتهجرني...

 تموت مقتول يا تقتلني!!

بحبك يا ابني أفهمني...

تقول ده حب بالتعذيب...

وعيشتي معاها بالتهديد..

وكل كلمة مدت إيد...

دي عيشة ولا نار حمرة...

هقول عادي ولا فايدة ...

أنا حبي بنار قايدة..

يا تعيش معايا سلمية...

 يا تموت مقتول يا تقتلني!!

علا عمار