لا تقطفي. .بقلم الشاعر. .صبحي ياسين

سيد الحلوين
على مين على مين على مين
ياحليوة يابو الحلوين
على مين بتسوق في دلالك
طب ماحنا كمان حلوين
على مين ياجميل على مين
بتتبغدد على مين
إذا كنت طعم ياواد إنت
طب ماحنا كمان طعمين
يابو غمازتين على خدك
إعمل كدا كل مابدك
لاكن خليك عارف
إن إحنا كمان كدا قدك
ياللي إنت عنيك ساهيين
على مين عاى مين على مين
ماحنا كمان م الأخر
وإنت سيد العارفين
عاى مين كدا كدا هتخيل
يابو عود كدا لما يميل
تلاقي كدا ألف ناياتي
يغزلوا فيه مواويل
لاكن حط في بالك
وإنت سايق في دلالك
لو ميلت علينا ياروحي
تلاقينا كمان مايلين
والفل مع الياسمين
والنرجس والرياحين
هيميلوا علينا ساعتها
ويزهزهوا في البساتين
بقلم طارق السيد