حاولت اعمل من بُكايا غُنا
يفرح قلوب مساكين
غزلت من حروف كلامى انا
احساس مليان حنين
طلع منى الكلام بالعافية
فرحان بطعم حزين
زي الدموع ف قلب الفرحة
لما تخون العين
وابتديت خلاص اغني
غنوة امل ف بكرة
ابتديت حلم التمني
وصوتى مليان فرحة
ابتديت الاقي نفسي
ببتسم والله ايوه
بس لسه جوه مني
حزن عشته كتير سنين
حاولت اعمل من بُكايا غُنا
يفرح قلوب مساكين
بس ضاغط ع الجراح
على صوت الناي ب اغني
ايوه كابت النواح
رافضه يطلع بره مني
ب أحلم اشوف الكون براح
بس ب اشوف ف عنيكوا حزني
وكل م تسرح فيكوا ب القا
قلبكم ينبض انين
حاولت اعمل من بُكايا غُنا
يفرح قلوب مساكين
كلمات / سامى محمود حنفي