لست ارهابيه انا فلسطينيه
كتبت في احداث الانتفاضه الثانيه
لو تشوفوا البراءه اللي ف عيونها
وهي ماشيه في المظاهره
رافعه رأيه بيضا ظاهره
وقلبها المكسور يقول
أنا طاهره
م الجريمه
كاتبه فيها اني يتيمه
والإرهاب مش طبعنا
الإرهابي اللي سارق ارضنا
اللي جرف أرض جدي
واللي قلع زرعنا
واللي هدم فوق رؤؤس اخواتي بيتنا
اللي بيدمر حياتنا
هو ده الإرهاب صحيح
تعمل ايه
تعمل ايه لو شفت اخوك جنبك جريح
ولا أمك ولا أبوك
ماتو في غاره
ولا لما يعذبوك أو يضربوك
من غير ماتعمل إي غاره
راح تعمل ايه
فكر معايا
لما افجر نفسي فيهم
مش كفايه
لما ابعد الظلام عن نور سمايا
ده اسمه رد الظلم عني
ده اسمه طرد المعتدين
وانتقامي
كأس ومكتوب ع الجبين
ايدي و يا ايدين جيراني
مش راح أترك يوم مكاني
مهما طالت السنين
راح أقاوم
راح أدافع
والحجر ف أيدين صحابي
مهما يسموني ارهابي
راح يكسر ف المدافع
راح يفك قيود عذابي
أو يرجعلي شبابي
اللي سرقوه المعتدين
هي دي كل الحكايه
وكل ظالم له نهايه
مهما طالت السنين
مهما طالت السنين