الصادقين والكاذبين ف الحب....بقلم محمد الجريسي
ناس عندها قلب وبتعرف ازاي تعشق وتحب
وناس لا عندها قلب ولا عمرها تعرف إيه حب
ناس الإخلاص والوفاء طبع أصيل فيها
وناس الخيانه والكدب والخداع أصل ليها
ناس تعيش حياتك عشانها وبكل لحظه ليها
وهي ف الأساس إنت مش شاغل تفكيرها
وعايشه للي يوهمها ويخدعها ويكدب عليها
ناس حبيتها وبتحبها وهي بتعشق بس نفسها
ناس عايشه عشان تضحك وتكدب علي غيرها
وناس عايشه بس عشان تشوف سعاده حبيبها
ناس تعمل كل حاجه ليها وإنت أصلا مش ف بالها
ناس إختارت غيرك عشان كداب وتركتك عشان إنت صادق معاها
ماتحاولش تستعطفها عشان أنت أصلا مادخلتش قلوبها
ناس بتحب بقلب وناس بتخدع وتخون بكل صدق
ناس بأصلها صادقه وناس بتكوينتها تافهه
ناس عاشت بالحب وللحب وماتعرفش غير إنها تحب
وناس عاشت للوهم واللهو واللعب بمشاعر كل قلب صادق بجد
ناس ماتعرفش تعيش حياه كريمه تعرف بس تعيش علي حطام القلب
ناس ربنا أكرمها بقلب محب وفرطت فيه بكل كبر
وناس وقعت فريسه لأطماع ناس بتوهم وتلعب
ناس ملكت الدنيا بصدق قلبها وصفاء روحها ونقاء شخصها
وناس ملكت الكدب وإستحرمت توزع منه علي البشر
ناس يكفيها شرفا أنها لم تخدع ولم تخون وتوهم وتلعب بمشاعر أحد
وناس هاتندم علي كل لحظه كدب ولعب بقلب بكل ظلم
عزرا للصادقين والمحبين المخلصين والعاشقين اللي بالوفاء عايشين
سامحوني فهناك أناس كل هوايتهم اللعب بقلوب وأرواح المخلصين
لكل قلب حب وكل روح عشقت إنتظروا القادم بإذن الله أجمل
وللخائنين قدر الله أكبر والندم قادم لا محاله فقط تذكروا دائما كما تدين تدان
وسيأتي من يلعب ويلهو ويكذب ويستبيح خيانتكم بكل ظلم وتجبر
حبوا وتحابوا وأخلصوا وإصدقوا وصادقوا تجدوا الفرحه في قلوبكم بكل لحظه بحياتكم