الجزء التاني من
حلم يُراودني
ومن الهدهده وعلى نغمات انفاسي نامت شايفها بتضحك في منامها
وشها بينور وحشتني جدا لما نامت بجد أشتاقتلها ومن شوقي ليها ارتفع ضجيج نبضي نادتها
اتبسمت وفتحت عينيها قلتلها صح النوم ياروحي
حبيبي مانمتش انا كنت مغمضه عيني على صورتك وسمعاك وحاسه بقلبك
وكنت بتبسم
شيفاك سعيد فرحان عارف كنت مشتاقه افتح عيوني بس قلت سيبيه جواها حمياه بين جفوني
ولما سمعت قلبك بيناديني قلبي قالي مقدرش أستنى أوعي سيبيني هاروح لنُصي التاني عيونه وحشاني .
حبيبي تعالى نتمشى سوى على شط هوانا نرمي كل الدنيا ورانا
نفسي يكون ليا جناحين اخدك واطير ابعد مكان عن الاحزان عن دنيا البشر والجان
وهناك اقولك بحبك بالغات جديده محدش يعرف حروفها غيرنا كل حروفها حرفين حاء و باء
عايزه افرح هاقولك حب عايزه اللعب هاقولك حب عايزه اكل هاقولك حب عايزه اشرب هاقولك حب ومابين الحرفين حياتنا ودنيتنا قمرنا ينور حب وشمسنا دفاها حب سمانا سحبها حب
يجري الحب حوالينا يطير الحب في عينينا نبع الميه حب يروينا نزرع الجنه بحب يطرح حب لينا
لنا لقاء اخر