قيس وليلى 3
_________________________3
قيس المحبط من جرايرها
كان بيفكر تاني في غيرها
قيس استكفى من الإهمال
قال هتجوز بنت حلال
بنت لطيفة ظريفه وعال
ردت ليلى/ ودي آخرتها؟
روح اتجوز بكرا نشوف
عمر الحر مايحتاج صوف
وانت بتتمتع بظرف
ربك عالم / ولا نسيتها ؟
قالها عالم ايه وبمين
قيس طول عمره جامد ومتين
انتي بتتمسخري ع الدين
مثنى ده شرع الله ياحليتها
قالت؛ شرع الله عرفاه
عمري يارب أنا عايشه معاه
فكراه موسى وفجأة ألقاه
فرعون واتفرعن في ليليتها
كنت بتشكي ليل ونهار
ومانتاش قادر م الاسعار
وبتوصفها تقول إعصار
جاي دالوقت تقول اتجوز
كنت اقولك يوم خرجني
حاسه يأناس اننا مسجونه
عالم تاني وقوم فرجني
تقولي منين اهدي يا مجنونه
جاي دالوقت تقول اتجوز
اقولك عايزة
تقولي أنا سالف
يعني اجيبلك بس منين
قومي ادعيلي أصل أنا خايف
ربي يعني وسد الدين
جاي دالوقت تقولي أتجوز
شوفت معاك المر ياسيدنا
روح اتجوز بس تسيبنا
ربي وربك هو حسيبنا
ولما سمعها
قيس راح بوز
قالها بس ده كله هزار
وخدله قميص من جوه ودار
لقى ليه كم ناقص له زورار
فط ونط وقال هتجوز
ّ