ولدي فداكي يابلدي
........................
انا هاقول لابني اسهر واللعب مايشغلكش
ومن الّهلس انت واخواتك مامنعكش
على إمّْة الشارع عايزك واقف ماتشتغلش
ماتزكيش وف الجامع ياريت ماشوفكش
خايف عليك اجري عشان ماتتمسكش
أزاي تكون كروي ولنادي الاهلي ماتشجعش
شايف المذيع كدب زور من التلفيزيون ماتمنعش
على كدبه و زور كلامه اتفرج بس ما تسمعش
خليك كده واد خفيف لقط رزقك لو بحشيش
واد فهلوي على كل حبل اترقص عشان تعيش
اكسب البودرجي والمفتري بس انت ماتفتريش
ايام الظيطه زيط هيس من كلامهم ماتشتريش
مالك انت بالسياسه حورات غلا و سلع مفيش
انا مالي ياعم اديني عايش وفيها مادخلنيش
خليك رافع راسك وسط الوحش زيهم وحش ماتطتيش
اقالوا دوس ع الغلابه بينا أبدء جمد قلبك وماتخليش
لازم تتعلم تحب نفسك ماتحبش غيرها عشان مفيش
وان يوم ضميرك صحى صلي وصوم قدمهم ماتبكيش
في السر زَكي تصدق عن عمايلك كفر وماتنسانيش
كلامي ليك من خوفي عليك بس بصراحه ياريت ماتسمعنيش
اهم حاجه يا ولدي في مِعادك تكبر لازم تدخل الجيش
على حدودها اسد واقف بسلاحك عليها الديابه ماتعويش
وان طالبوك بروحك ولا دمك اياك تنكر وتقول مَفيش
وقتها بس لو في قبري هارفع ايدي لربي انك ماخزلتنيش
موت انت واللي معاك بس المهم هيا جنه بين الامم تعيش
حسن سعيد
