مين اللي قال
إن الختام بالموت
والموت ف عشقك
كان حياة
كل الكلام مايل ليمك
والحروف اتكسرت
حب ف رضاك
حتى القمر بيك اتقسم
وجه السما فيك اترسم
والخلايق عشقتك
حتى اللي عابوا بكدبهم
صابهم عشم من رحمتك
واتلملمت من كدبهم
أكبر حقيقة تثبتك
انك نبي.. انك ختام الانبيا
والرحمة والنور والندَي
يا محمدًا يا نبينا
والقلب دايب ف الهوا
حبك حياة.. حبك مُنَي
والجمع بنا دعوتي
والشربة من ايدك هنا
والجيرة دي امنيتي
وادعي واقول لربنا
تقبلني ابقى ف امتك
والمحشروين ف زمرتك
مين اللي قال
إن الختام بالموت
والموت ف عشقك طوق النجاة.
#محمود_الدندراوي
