ياناس احنا اتكوينا
من نار الاسعار
لاماهيه مكفيانا
ولاشغل ليل ونهار
ولورحنا اشتكينا
الاونزيد مرار
وان جوعناولاصومنا
طب وعيالنا الصغار
ولواتوفرعشانا
نصبح مانلقى فطار
وح نعمل ايه قولولنا
ماتقلتوا العيار
ليه بتاجروا ف قوتنا
خليتوا العقل احتار
اوضاع تجيب مرضنا
وعلاج اسعاره نار
بكده نتمنى موتنا
ودا أحسن اختيار
وحتى عزيزعلينا
والموت مافيهوش هزار
واللى بيدفن موتانا
الاخرصابه سعار
يارب الرحمه بينا
من ناس بقت اشرار
ليك احنا اشتكينا
وانت صاحب القرار
***************
كلمات/ ****الاسعار****
اللى هو أبوعمار
عضو/نقابة شعراء مصر
عضو/رابطة الزجالين
وكتاب الاغانى