أحكمي بالعدل
يعني راضيكي اللي احنا فيه
ولا عشان راضين بقسمه ربنا
نعيش ونرضى بذلنا
دا حتى لو محكوم علينا
ربنا ما يرضى بيه
وانتي علينا بتحكمي
بالذل ليه ... ايه ذنبنا
ساكته ليه اتكلمي
مش انتي برضو
ربتينا ع الشرف
طاب ليه بترضيلنا الاهانه
ولا دا ذنب وبتجزينا عليه
عارفه لو مكان حبك امانه
انا كونت خونتك ..بس صعب
حبك ما افرطش فيه
عارفه ليه
علشان حسابي القيامه
بس عايزك تفهمي
أن كبيرك قاسي عليكي
ونسي خواته
وبياخد الحلوه اللي فيكي
واحنا مش طالين نفياته
وانتي ساكته وفاتحه جيبك
صدقيني....خايف عليكي
وخايف الفقر يصيبك
وأما ياخد كل خيرك
هيسبك ذي اللي سابك
واحنا نرجع نعاني فيكي
ليه تبيعي اللي شاريكي
واحنا اللي سفين ترابك
عايز اعرف ايه اللي نابك
من كبارك. ...مش عايزه ليه تتعلمي
أن الكبير ما فيهش خير
لكن الصغير يعشق ترابك
عايزك ما بينا تحكمي
الشاعر بلبل عثمان
