بسم الله الرحمن الرحيم
فاتت سنة
فاتت سنة زى الهوا
ما أعرف وقفت شوية
ولا مرت هوا
قدام عنيه
خطفت من عمري سنة
سرقت منها لحظة هنا
وكتير كتير حزينة أنا
فاتت سنة
مرت
سحابة صيف
أنا لسه بسأل
عديتِ أمتي وكيف ؟
الربيع فيكِ يوم
وشهور خريفك دوم
فاتت سنة
في الشتا لحظة دفا
وسط الغيوم لحظة صفا
فاتت سنة
كلمة حلوة في رواية مر وقسا
فاتت سنة
ذكري بعيدة في قلب تايه نسى
فاتت سنة
نوة عنيدة موجة قوية شديدة
زاحت الشماسي والكراسي
دوب الموج الرمال
توه المراكب اللي ساير واللي راسي
يالا يالا
يالا بينا
يا أحبابي وناسي
السنة الجاية
نمسك فيها شوية
نرسم شمس تضحك فوق
نزرع ورد من غير شوك