لا تقطفي. .بقلم الشاعر. .صبحي ياسين

شارب كاسات المر
والهم بزيادة
للا لحظة راضية تمر
وللا فرحة منعادة

الاسم عايش وقت
والقلب بات مخنوق
وتملي عايش تحت
والدنيا مش بتروق

ماتقولي ليه يازمن
اسمي ف كراسك
بتبعني من غيرتمن
وحاسبني من ناسك

بعيش الأهة اتنين
وانت وللا داري
قسمتني نصين
وفيا بتجاري

ياأهة المظلوم
شقي السحاب شق
للا كنت عايش يوم
وللا فنجري بق

قلبي فيه الحب
موجود لكل الناس
مقتول وكلي غلب
ورضايا وحده.اساس

راجع اعيد  تاني
شريطي مع الأيام
يمكن أشوف أحلامي
حقيقة بدل أوهام

ورسالتي ليك يا قلم
تكتبني فوق سطرك
للا عمري بديت ندم
وللا كسرتلك خاطرك

ووصي عليا الحياه
تفتكر اسمي
للا طلبت مال او جاه
وللا يترسم شكلي

دا كل حلمي أمان
أعيشه وأنا راضي
تعبت م الحرمان
وبقدري أنا راضي

#محمدالباز
15-1-2017