الشاعر المصري /احمد ابراهيم
*************************
فى قصيدة طلقة رصاص
***********************
طلقة رصاص والدنيا دي غابة
ابن الاصول مندّاس وكلاب مع ديابه
ملعونه يا سكتي لو كنتى متّسابه
يدخل يعيش الغجر تسكن هنا عصابه
طلقة رصاص تدوي والصرخه وبتعلى
يا دنيا مش دنيتى فيها الخسيس يعلى
لما الأمان اتعدم والحب ودعنّا
كل النفاق اتنصب بالرقص والمغنّه
الله على الطرطير طرطور وبيسقف
جاهل معاة تقرير والاسم ومثقف
الله على التزوير ده النبرة كدابه
طلقة رصاص يا ناس والدنيا دي غابة
ابن الاصول منداس وكلاب مع ديابه
سيد ومتسيّد
وانا لسه فى الاحلام بالحبل متقيد
ده حلم ولا كبوس
لسه الامل محبوس
طب امتى يتسيّب
يا فرحة فين الحق وفين كمان الحق
قلبي انا المدبوح
بيقولو سيف الحق
ماشي على الظلمين
طب امتى كان الظلم
ماشي على التانين
لما البرئ اتمد
غرقان بدمع العين يتيم وفين الاب
يمسح دموع مساكين
تشريد وحرب وظلم شرد من الملايين
عجبي على الغابه بكلابها وديابه
وقفه بتنهش الم ملعونه يا دي البشر
الدنيا مش غابه والله ماهى غابه
**********************************
الشاعر المصري /احمد ابراهيم
