لا تقطفي. .بقلم الشاعر. .صبحي ياسين

تلقيمه_شاى ...
على قهوه ف شارع
مش لازم يبقى رئيسى
مع واحد صاحب
مش فارق
مرسى وسيسى
لكن صاحبك
واتنين فيرى
وسيجاره ميريت
وكلام عن حد هناك ماشى
او حد كتير مفتقدينه
لسه ما جاشى
مع رشه برفان تركيبه
مش لازم سينييه م الغالى
مع كلمه فاكر
لما زمان ...
( دى بتفرق اوى على فكره
بتغير طعم الاحزان )
تلقيمه شاى .....
فى المج اللى مخربش قعره
ولانك تخنان مش حاسس
انك مرتاح
فى الكرسى الجلد
فبتطلب/
خرزان من فضلك !!
على قد مافيه مسمار خانقك
على قد ما مبسوط مع صاحبك
والكاسيت المبحوح مش طالع
من صوته الا الوششششششششش
وششششش وششششششش
فبتقفل عينك ع المشهد
وبتحلم
وتدندنك مع صاحبك
لحن قديم
كان غنوه كاتبها زمان صاحب
واللحن ماكانش
على الرومبا
كان لحن حزييييييييين
كان لحن يادوب
ترنيمه ناى
مع حد معاه
تلقيمه شاى
على قهوه فشارع
مش لازم يبقى رئيسى
.مع واحد صاحبك
مش فارق مرسى وسيسى
.
.
.
.
.
.
.
.
.
.
.
.
.
لحن قديم