واقف وسلاحي صديق
حالف يجيب النصر
وأدعي وصوتي طريق
يحميكي ربي يامصر
لو موت في غدر الليل
يتولد شهيد العصر
شهيد أنا وبنادي
دمي نهار يا بلادي
فارد يوضي الأرض
ويعصر ترابها عصر
ميت أنا وصاحي
ولا عمر الشهيد مات
خلوا السلاح صاحي
لسه في أرضي حاجات
خلوا السلاح مشدود
في ترابها بينخر دود
نشن وقول ي بارود
سابقك أنا للنصر
شقوا الظلام ياجنود
شدوا عروق الفجر
أنا اللي جيت م البارود
وبنيت في الجنه قصر
هانت خلاص ياصحاب
كل اللي باقي كلاب
بتعوي تخاف م النور
شويه ظلام مبدور
في سينا وجنب القصر
ومدمعيش يامه
وفي يوم شهادتي زفيني
وفي وسط اخواتي واللمه
حني ضفايرك ودريني
خبيني في شالك الدايب
اجمعي كل الحبايب
شدي عروقك بالهتاف
اقتلي فينا الخلاف
اجمعينا في
حضن مصر
