.
بمناسبة السنه الجديدة
أحب اقولك
حرام عليكى بقى إختشى
وبطلى شغل جنان
.
الناس هتعمل ايه
كل يوم مرار
وأسعار أيده نار
والناس من غُلبها
أكلت حتى
لحم الحمار
.
غصب عننا وصابرين
يوم ورا يوم
شايلين الطين
ناس بتهبش بالملايين
وناس عايشه بالضالين
.
والدولار مش فارقه معاه
طالع واخد كل حاجه وراه
بس ناسى الفقير
هيعمل ايه
سقط ف البير
.
والله حرام عليكم
كده بجد كتير
.
طب هاتولنا حل
أو حتى قولولنا
نعمل آيه
يا بلد أكل العيش فيكى
بقى مرار
ولحد أمتى إنتظار
تعب وغُلب.معاكى الحمار
.
تعباه... ومشقياه
وياريته لاقى منك تقدير
كده والله كتير
.
أنا ماكنتش عايز أتكلم
ولا كنت ناوى اوقول
بس إنتى خلتيها خل
وحرمتينا حتى أكل الفول
.
لاء ولسه..كمان
بتيجى أكتر ع الغلبان
حرام عليكى بقى إختشى
وبطلى شغل جنان
.
هوه أنتى مش شايفة
واللا نظارتك انكسرت
الخوف لا تكونى
مش سمعانا.كمان
.
ربنا يرحمنا برحمته
ملناش غيره
الرحيم الرحمن
حرام عليكى بقى إختشى
وبطلى شغل جنان
.
الشاعر عبدالعزيز لطفى