الغباء هوا هوه
طين وراسخ ف العقول
شلنا مسخ. وراه غزيه
حسنى. ومعاه الفلول
جم جماعه لهم إلاههم
كان يقول كله يقول
كان دماغهم طينه ناشفه
كلهم تفكير عجول
وجه بقه السلطان بأمره
والطبول زادت طبول
مين هايرقص مين يغنى
مين يبيع ام الخلول
والي يفتح بقه مره
حقه مش ممكن ينول
هيا سكه واحده بس
رحلوه سجن المغول
اصله سجن كبير وواعر
خرجوا منه الفلول
فضوا كل السجن لينا
واحنا صعب نكون طبول
صوتنا لسه باقى فينا
فينا حاجه من الرسول
صوتنا صوت للحق باقى
يدمغ الباطل يزول
..........
ماهر احمد