لا تقطفي. .بقلم الشاعر. .صبحي ياسين

#عذرا_25يناير  ليس #عيداللشرطه  ولكن #عيداللشهداء

*جانى الشهيد فى الحلم*
جانى الشهيد فى الحلم
و فى ايده ورداية
سلم عليا بشوق
و ادانى ضحكاية
شوفت فى عيونة سؤال
بيجر الف سؤال .
دمى ف عروقى نشف
و بقيت فى اسوأ حال
قال مصر كيف حالها
مين سابها ... مين جالها
مين غنى موالها
لو كان لها موال
و سألنى عن رسمة
للضحكة و البسمة
و الصبح و النسمة
و الشيلة و الشيال
و سألنى عن مينا
و الوضع فى سينا
و بقيت اهالينا
و الهدمة و السروال
و سألنى ع الزنازين
يا هل ترى فاضين
و لا حبابى العين
ملوا دفتر الاحوال
و سألنى عن صوتى
و السر فى سكوتى
و ان كان صحيح موتى
بقى له صدى و جلال
و حكالى عن اهله
و ان كانو يستاهلو
و عن اللى من جهله
بيموت فى قلنا و قال
و سألنى عن حقة
م لى برصاص شقه
ولى فى دماه سقوا
و فطروا الانجال
و سألنى ع الفاسدين
و بياعين الدين
و اللى ف رقابهم دين
للعالمة و الطبال
و سألنى عن الدبابير
و النسر و العصافير
و عن الى قلنا كبير
و طلع يساوى ريال
عن عمة و طاقية
و لحى و جلابية
و فتة و تسقية
و ابو غطرة و ام عقال
و فى لحظة نساية
بصيت انا ورايا
و رجعت يا ضنايا
كان هم بالترحال
فصحيت على خنقة
و وسع الفضا زنقة
على دنيا مش صادقة
ولا حتى فيها خيال
مالقتش عندى جواب
و لا كلمة تقفل باب
غير يا ابنى كله سراب
و الحمل كله مال
اللى بنجوم باعنا
و ابو دقن لوعنا
و اللى وراه لعنة
كل اللى صار بطال
طلع الشهيد جانى
علشان صحى تانى
برصاصه و رمانى
و لا حتى ميل شال
و الكدابين عادوا
ﻷ يا ابنى ... دول زادوا
و فجروا و اتمادوا
و طلعنا يا ابنى شمال
المر بقى زادنا
و الكلب ع المادنة
و الخوف رجع سادنا
عقدة بلا حلال
الحر بقى خاين
و العدل مش باين
و القاضى جه عاين
و برأ القتال
اللى خرجناله
و ثورنا على عياله
راجع ... هنياله
القاضى قال ... ابطال
و الشعب .... طز يا شعب
اركب يا باشا الصعب
بهدوء و فركة كعب
هيلبسوه اسدال
بقلمى #سناء أبو طبل