لا تقطفي. .بقلم الشاعر. .صبحي ياسين

أيوه صحيح أنا بعشقك
بإحساس سجين مش قادر أبوح
وأوقات كتير أنا بندهك
 بصمتي الحزين من جوه روح

شايفك ورق
مسجون مابين برواز حديد
وأنا عمرى إتسرق
 وإزاى يعود تانى من جديد

شايفك ضباب
الشمس بتنادى برحيله
شايفك سراب
 عطشان وتايه عن سبيله

أيوه صحيح أنا بعشقك
زى ماالنجوم بتعشق سماها
ولما يفوت وقت النهار
 تفرح تغنى للحظة لقاها

وإزاى أقوللك بعشقك
ومابنا حبيبتى ميت جدار
خايف بصدك تحرقى
 قلبى البرىء وتزيدى نار

خلينى احبك وحدى أنا
من غير سؤال ولاجواب
خلينى أحلم كام سنه
 من غير مطر زى السحاب

=======================
 الشاعر عيسى عبد الرؤوف