لا تقطفي. .بقلم الشاعر. .صبحي ياسين

ق/الحياة ده بالف لون
'
قلبي ياما سألني عنك
وانت غرقان ف الجنون
'
قلتله اعقل ياقلبي
مستحيل يقدر يخون
'
تفتكر إني اللي بنا
ويل وقسوة وليل شجون
'
ماانت عارف قبل مني
الحياة ده بالف لون
'
ننجرح نتذل فيها
واللي مكتوبلك يكون
'
لا ياقلبي هقولها تاني
مستحيل يقدر يخون
'
اللي سكنته ف عينيا
وفي هواه شفت الفنون
'
اللي عاش يترجا فيا
ليه هوايا عليه يهون
'
اطعمك من نور عينيا
وانت غرقان بالظنون
'
اوهبك أجمل ما فيا
وانت مش قادر تصون
'
لا ياقلبي هعيش لوحدي
للخيانة مش هكون
'
الف مره هقولها تاني
اللي فات يقدر يخون
'
اللي باع بالغدر حلمه
سهل قلبي عليه يهون
'
سابني بين نار العوازل
وابتدي ليل الشجون
'
ليه حلمت معاك بجنة
وانت فاقد للسكون
'
لو جفاك هيكون قدرنا
سبني وارحل بالجنون
'
مستحيل هقدر اكمل
حلم فجره بالف لون
'
لا ياقلبي هعيش لوحدي
مستحيل هقدر أكون
'
اللي عاش يحلم بضلي
النهارده عليه يهون
'
بالسلامه خلاص ياقلبي
صعب من تاني أهون
'
ك/أحمد عبد الرحمن صالح