لا تقطفي. .بقلم الشاعر. .صبحي ياسين

ابني خلاص جنني بجد
كل ما ينزل افضل اعد
ساعة اتنين ويطول الوقت
وكأنه ييحرمني اقوله
روح هات حاجه لحد
ابني خلاص جنني بجد

يا ابني حرام والله عليك
بتربيني والا ح اربيك
مين فينا يا ابني يبقى الاب
انا والا انت مين بالظبط
يا ابني ارحمني وبطل عِند
ابني خلاص جنني بجد
مش كل ما اقولك هات لنا حاجه
تنزل تقعد اكتر من ساعه
اشحال السوق جنب البيت
حتى ان عوزت ايه موجود
يا ولدي كفايه بقى وانهد
ابني خلاص جنني بجد
ح اقولك ايه ما انت زملكاوي
يعني مناكف غاوي حكاوي
مهما اقولك برضوا ب اعاني
خالف تعرف انت يا غالي
أدهم يا ابني انت كبرت
ابني خلاص جنني بجد
كلمات / سامى محمود حنفى