لا تقطفي. .بقلم الشاعر. .صبحي ياسين

لسنا دوبلير
صعب انك تكون دوبلير
وانت فى الأصل البطل
على مسرح إسمه الحياة
نتلقى الصفعة صفعتين
ولازم نقوم ونبتسم
إياك حتى ننكسر
صعب إن نشاهد من بعيد
وكأننا فى الدنيا غريب
إياك تكون قلوبنا حجر
ولا بتنبض مثل البشر
جرب تكون فى يوم دوبلير
وابعد عن دور البطل
بتبص من خلف عدستين
شايف الصغير كأنه كبير
والكبير اصلا وصل
سمعت يوم عن الغلابة
واليتامى والمساكين
ولا عن بطون الجعانين
بتقول كلام عليك كبير
لا شوفنا منه غير مرار
وفقر وحالة إنهيار
بلاش تعيش دور البطل
إحنا ياناس شعب أصيل
أبدا ما لعب دور دوبلير
خبطت على ام الشهيد
شوفت الدموع جوه العيون
وقلبها ال إنكسر
مديت إديك لأخته و أخوه
رجاء كتير
م الغلبانين
إبعد عن كاميرا التزوير
وعيش يوم وسطهم
شوف أكلهم وشربهم
شوف حالهم  ما يسر بشر
الفقر فاق الإحتمال
والصبر خلاص نفد
رافضة اعيش دور الدوبلير فى أعظم وطن
#سناءأبوطبل
4/4/2017