يعني ايه ارض العرب
يعني موسى يعني عيسى
و محمد خاتم الانبيا
يعني الاديان السماوية
يعني نور الدنيا ديا
يعني اول حضاره هيا
اول علوم اول لغات
اول دوا للبشريه
ف نيجي احنا بكل خسه
نقتل ف روحنا نبيد تاريخنا
وننسى ان الدين معامله
ونحوله لخانه ف هوية
ونرفع اذان وندق الجرس
ونسيب عقولنا هيا هيا
متشتته ومشككه
مين الصح ومين الغلط
كان قادر والله ربنا
يخلق نبي برسالة واحده
لكن خلقها بالشكل ده
لجل ما يبقى اتحادنا قوة
نبني نعمر ف الارض ديا
بدل ما نخرب بالشكل دَوٰه
واخرتها نبص نلقى روحنا
مش مبسوطين كده بالمره
احنا السبب ف ده كله احنا
شغلنا روحنا ب اتفه امورنا
وحاربنا بعض ف خسرنا روحنا
وروينا ارض طاهره بدمائنا
ف انبتنا شر حول حياتنا
لجحيم ومر وضحكة زايفه
ونسينا ان الكل اصله
ابن آدم والام حوا
كلمات / سامي محمود حنفى