المشهد الاول في الجزء الثاني من قصة
رحله في وشوش مصريه .
،،،،،،،،،،،،
=..حكيت لأسرتي عن اليوم العجيب ألي عيشته داخل 80%من بيوت مصر في يوم واحد .
بعد كام يوم تليفوني رن كنت متوقع الإتصال لكن مش بسرعه كده المتصل كان الأستاذ شكري صاحب السياره التي رجعت فيها من القاهره بعد الندوه و والد أكرم .
=..السلام عليكم ألوو مساء الخير يافندم.
-..مساء النور استاذ حسن أسف لأزعاجك.
=..لا ابد العفوا من حضرتك اتفضل تؤمرني في أي وقت.
-..لو مفيش عندك مانع حابب نتقابل عايز أتكلم مع حضرتك شويه .
=..اكيد يشرفني تحب الساعه كام وفين.
-.. الساعه 6مساء يناسب حضرتك
=..كويس مناسب الوقت ده فين تحب نتقابل.
-..حضرتك انا ممكن أجيلك أخدك بالعربيه .
=..خليني أوفر مجهودك و وقتك أنا هاقابل حضرتك ع البحر أمام فندق المحروسه الساعه 6 تمام إتفقنا
-..أتفقنا في أنتظار حضرتك ...سلام
=سلام في رعاية الله.
الساعه 5:50وصلت المكان المحدد للميعاد وفوجئت بأستاذ شكري في أنتظاري.
=..السلام عليكم أسف لو أتاخرت على حضرتك.
-..لا ابدا لسه بدري على ميعادنا بس الظاهر اننا عندنا بعد خصائص الشخصيه متفقه بينا ومتشابهه بحب اللتزم بالمواعيد جدا تحب نروح فين.
=..زي ماحضرتك تحب خلينا هنا في كافيه المحروسه .
-..أسمحلي أنا أختار ممكن
=..مفيش مانع
أتحركنا بالعربيه وصلنا كوبري أستانلي ومع أول دوران لف رجع و أمام كافيه كبير هناك أعطى المفاتيح لسايس السيارات ودخلنا الكافيه أول حاجه سمعتها عند الدخول رنة ضحكه تفجر الشهوات ربنا يستر ويسلم (حديث داخلي)
استقبلنا جرسون شيك جدا
-..حمدالله ع السلامه شكري باشا أخبار الشعر أيه تحب ترابيزتك المعتاده.
وأستاذ شكري بيلف بعينه على مكان نجلس فيه وفوجئت إنه بيختار مكان قريب جدا من صاحبة الضحكه لأنها قررتها مره أخرى ونحن نبحث عن مكان للجلوس وأشار للجرسون ها نجلس هناك .
-..أتفضلوا تحت أمر حضرتك
وتوجهنا للترابيزه وجلسنا
-..تحبوا تشربوا حاجه دلوقتي ولا ننتظر شويه.
-..شويه وهانادي عليك
-..تحت أمرك ياباشا
كل ده من حولي وأنا أحاول أخفي علامات التعجب والزهول مما أراه أمامي
-..أستاذ حسن أنا جبت حضرتك هنا بعد ماتمعنت وإستمعت لكلماتك في الندوه أكتر من مره من فيديوا الندوه وحبيت أنك تشرفني هنا في مكاني المفضل ألي بحب أشرب قهوتي هنا وساعات بكتب هنا لكن ترجمة الوشوش مش فلسفتي أو مهارتي محدوده بالنسبه لما كتبت النهارده تعارف على المكان فقط ونتكلم في الشغل.
=..شغل خير حضرتك عندك شغل ليا أنا
-..أيوه أولا شغلك بدء من النهارده من دلوقتي المطلوب من حضرتك أنك تحفظ الوشوش هنا لأن في بعض من طلبة مدرستي بيسهروا هنا.
وهنا قاطعته سائلا
=..أولا منذ تعارفنا السطحي وانا معرفش حضرتك بتشتغل أيه مجرد الاسم وأن حضرتك كنت في الخارج ورجعت عملت مشروع كبير هنا.
بكل عفويه من حضرتك حكيت عن أسرتك وعن أبنك أكرم
-..عندك حق أنا صاحب مدرسه شهاداتها معتمده دوليا تقدر تقول من أغلى مدارس إسكندرية كل الطبقه اللي حضرتك ماشوفتهاش في القطار او في المقهى الشعبي عندي في المدرسه الوجه الاخر للقطعه المعدنيه.
=..وطبيعة الشغل أيه بس بلاش موضوع قرأة الوشوش دي.
وغدا مشهد جديد